Metallica се прогласени за најдобар метал бенд на сите времиња во анкетата на списанието Rolling Stone.

„Фановите на бендот Metallica сакаат да се жалат. Се жалеа кога бендот сними спот за песната One во 1989... се жалеа кога членовите на бендот си ги скратија косите, а се жалат и на албумот со Lou Reed“, пишува списанието и додава дека момците „нешто направиле како што треба, затоа што тие исти фанови ги прогласија за најдобар метал бенд на сите времиња“.

Metallica оваа година веќе доби едно ласкаво признание - списанието Kerrang метал-четворката ја прогласи за највлијателен светски бенд во последните триесет години.

Бендот кој неодамна мораше да откаже концерт од безбедносни причини, го следат Dream Theater, Black Sabbath, Iron Maiden, Slayer, Megadeth, Judas Priest, Led Zeppelin, Pantera и Tool.