Шкотскиот бенд се враќа по продолжена пауза, и подготвува албум и настапи...

Франц Фердинанд последниот албум Tonight: Franz Ferdinand го објави во јануари 2009 година, а членовите на бендот ги „фатило мрза“ што се однесува до концертите.

„Конечно имаме енергија да продолжиме. Со години бевме на турнеи, и едноставно се уморивме од свирење. Сега се враќаме во полна сила“, ветува гитаристот Ник Макарти.

Тој додаде дека бендот првобитно планирал да „вади“ по еден албум годишно, но дека момците брзо сфатиле дека тој ритам ќе ги уништи.

„Изведувачите снимаат еден албум годишно, но тогаш обврските им налагаат да го промовираат следните две години на турнеи. Тоа е убиствено темпо, не можевме така“, рече Макарти.

Тој најави дека бендот наскоро влегува во студиото, и дека фановите ќе имаат шанса да ги слушнат и во живо бидејќи конечно се одмориле од се.