Во музичкиот свет се раширија гласини дека пејачката Ферги дефинитивно го напушта бендот Black Eyed Peas, и дека на нејзино место ќе дојде нов женски вокал...

Извор близок на бендот раскажа за порталот MediaTakeOut.com дека членовите на бендот преговараат Ферги во бендот да ја замени RnB пејачката Ашанти.

„Бендот бара замена за Ферги веќе некое време. Ашанти му се приклучи на бендот на турнејата и некој вид на аудиција, да пробаат како тоа ќе функционира - и излезе дека функционира совршено“, додаде неименуваниот извор.

На прашањето кога би можеле да очекуваме и официјална потврда на оваа информација, изворот рече: „Птичка ми вели дека тоа би можело да се случи овие денови.“

Иако бендот неодамна ги демантираше гласините за распадот - тие никако не престануваат. На фановите на бендот не им останува ништо друго, туку трпеливо да го чекаат епилогот.