Пејачката преговара со гитаристот на групата Queen, Брајан Меј за тоа да стане главниот вокал на легендарниот бенд, пишуваат британските медиуми...

Местото на пејачот кое остана празно поради трагичната и прераната смрт на еден од најдобрите вокали на денешницата, на тој начин би било пополнето.

Гага така би го заменила ненадминливиот Фреди Меркјури, кој умре во 1991 година. Наместо него, во бендот од 2004 до 2009 година пееше Пол Роџерс, а сега Queen сака нов пејач со кого би тргнале на светска турнеја.

Меј се надева дека Гага, која и своето уметничко име го избрала според познатиот хит на Queen, Radio Ga Ga, ќе ја прифати неговата понуда.

„Постојано разговараме за тоа дека би сакале да тргнеме на турнеја, но проблемот е во тоа што немаме пејач. Работев со Лејди Гага, многу е креативна, со неа разговаравме за тоа да пее и да биде фронтмен во бендот. Таа не е само пејачка, туку ги пишува и ги компонира своите песни“, рече Меј за Daily Express.

Меј додаде и дека бендот планира да направи дуети од песните на Queen со многу популарни музичари и од тоа да направат телевизиско шоу, а Гага секако ќе биде дел од тоа.