По албумот Michael со песните кои одненадеж умрениот пејач никогаш не ги објавил, во ноември пристигнува уште еден на кој поголемиот дел ќе бидат обработените хитови на кралот на попот...
Албумот The Immortal во продавниците ќе се најде во ноември, а на него, покрај неколку до сега необјавени песни, ќе се најдат и обработките на некои од најголемите хитови на Мајкл Џексон кои публиката ќе може да ги чуе на настапите на канадската акробатска трупа Cirque du Solei во рамките на турнејата „Бесмртната светска турнеја на Мајкл Џексон“.
Музичкиот продуцент Кевин Отнес ги преработил во студио снимките кои ќе се најдат на вториот постхумно објавен албум.
„Овој албум е направен со голема љубов и почување кон неговата музика, неговото семејство и неговите обожаватели ширум светот и се надевам дека успеавме да го пренесеме музичкото наследство на Џексон низ новите песни на албумот.“
На албумот ќе има вкупно 22 песни.
Мајкл Џексон, кој умре во јуни 2009 година, зад себе остави мноштво снимки кои, според проценките на музичките медиуми, можат да „наполнат“ десет албуми. Моментално во тек е судењето на неговиот лекар, Конрад Мареј, кој е обвинет за убиство од невнимание.
