Британскиот пејач Роби Вилијамс повторно ја напушта групата "Take That"...

За тоа потврди друг член на групата - Гери Барлоу, одговарајќи со "Да" на поставеното прашање во радио етерот: "Дали е вистина дека групата е само со четворица".

"Беше убаво. Ја завршивме турнејата и сите сме среќни. Фанови од целиот свет се исто така задоволни. Сега Роб работи на самостојна песна и од овој момент тој се враќа на претходниот статус на соло изведувач", рекол Барлоу.

Според зборовите на пејачот повод за разделбата не бил никаков конфликт.

"Видете, ние можеме да се собереме кога ќе посакаме. Тој е наш брат и без разлика дали ќе падне во неволја или едноставно сака една година да биде самостоен, ние секогаш ќе му посакуваме добредојде, кога и да посака", објаснил тој.

Сега целата група е на одмор. Вилијамс работи на новиот албум, а Гери е дел од жирито на британскиот "Х фактор".