Песната "We are the champions" е прогласена за најзаразна песна на светот, пишува британскиот печат...

Песната "We are the champions" од групата Queen е најзаразната песна на сите времиња сметаат научниците кои проучувале четири фактори кои таа песна ја чинат заразна.

Песната заради која луѓето играат, пеат и лудуваат кога ќе ја чујат во кафуле или дискотека има четири клучни фактори: долга и детална музичка фаза, повеќе промени во песната, машки вокали и напор на вокалот да ја произведе препознатливата нота, тврдат научниците.

Според зборовите на научниците, машките вокали се многу важни во песната, зошто пеат на начин песната да звучи како воен тон. Луѓето во тие пејачи бараат лидер, кој ќе ги води во борба.

Меѓу најзаразните песни прва е "We are the champions", а следува "YMCA" од групата Village People,  "Fat lip" од Sum 41, "The final countdown" - Europe и "Monster" од бендот The Automatic.

"Музичките хитови се засноваат на математиката и технологијата, од фреквенцијата на звукот на вокалот до технологијата користена во продукцијата. Ако се задоволат четирите споменати фактори, песната ќе биде заразна и со самото тоа подобро ќе оди на пазарот", објаснува музичкиот психолог д-р Даниел Муленсифен.