Интернет порталот Yahoo објави листа на десет најлоши метал албуми на сите времиња, инспириран од „промашувањето“ кое го направија Lou Reed и Metallica заедно...

По објавувањето на првата песна од заедничкиот албум на Lou Reed и Metallica, која не наиде на позитивни критики од јавноста, на сајтот Yahoo е објавена листа од „десет најлоши метал остварувања“ кои сме имале шанса да ги слушнеме.

На прво песто се наоѓа (повторно) Metallica со албумите Load, Reload и St. Anger.

„Бендот кој го дефинираше металот ги збуни фановите со албумот Load, потоа помладиот брат на албумот Load - Reload, за на крајот да објават ‘нешто’ како St. Anger. Изгледа како да го снимиле албумот со оркестар“, пишува на сајтот.

На второ место е долгоочекуваната „кинеска демократија“, поточно „новиот“ албум на бендот Guns N' Roses.

„Секој кој ви кажува дека вредело чекањето за овој албум, веројатно е во некој ‘делириум’ по Аксел Роуз“, пишува на сајтот. „Затоа што им требаше цела вечност да го завршат албумот, очекувавме нешто повеќе од ‘прости Guns’ без Слеш, без Изи и без Даф.“

Трето место го зазеде Ози Озборн со албумот Bark At The Moon. „Постои одреден начин на кој треба да се набљудува и сфати еден метал бенд... прво правило кое метал бендот мора да го има е: отпушти го клавијатуристот! Нека оди во некој поп рок бенд! Албумот не е метал поради ‘силниот’ синтисајзер кој се слуша на него и точка!“

Останати имиња на „метал листа која не е тоа“ или едноставно, меѓу најлошите се Twisted Sister со албумот Come Out And Play, Iron Maiden со Fear Of The Dark, Raven со албумот The Pack Is Back, Black Sabath со Never Say Die, Мotley Crue со истоимениот албум Motley Crue, Def Leppart со Slang и Kiss со The Elder.