Покрај Grammy, MTV Video Music Awards се најпрестижните музички награди, а вечерашната додела е замислена како времеплов. Настапите ги потврдија најголемите ѕвезди на денешницата...

„На својот компјутер, можете да ја слушате новата песна на Кание Вест, и веднаш потоа да ја преслушате песната на Отис Рајдинг од пред повеќе децении. Луѓето сега се во состојба да имаат еден „безвремен“ однос со музиката и со леснотија можат да „скокаат“ од една точна во времето до друга, така што ќе ве транспортираме во еден временско-просторен континуитет во универзумот на музиката“, вели извршниот продуцент на овогодишните доделувања, Џеси Игњатович, а пренесува MTV.

Преносот во живо на 28-то доделување на MTV VMA од салата Nokia Theater во Лос Анџелес на регионалниот MTV канал можете да го следите вечерва во два часот и триесет минути по полноќ, а за оние кои нема да бидат будни, се разбира, ќе има реприза.

Меѓу ѕвездите кои ќе настапат во живо се Лејди Гага, која воедно и ќе го отвори доделувањето, Крис Браун, Адел, Бруно Марс, Лил Вејн, Бијонсе...

Посебен дел од програмата ќе биде посветен на изненадно починатата Ејми Вајнхаус, а Бритни Спирс ќе има „своја точка“ како ѕвезда која успеа после сите скандали да се врати успешно со албумот Femme Fatale.