Хитовите на Лејди Гага и Бијонсе се меѓу 100 песни кои се најдоа на црната листа на кинеското министерство за култура...

Музичките сајтови добија рок до 15 септември да ги отстранат „навредливите“ песни за кои претставниците велат дека ја нагризуваат „националната културна безбедност“, а кој нема да постапи по налогот на министерството ќе биде гонет судски.

Во Кина интернетот е строго контролиран, а неговата содржина блокирана или отстранета доколку се оцени дека е непристојна.

Во соопштението објавено на сајтот на Министерството за култура се истакнува дека „песните од црната листа не добиле официјално одобрување“, пренесува BBC.

Поголемиот број забранети песни е од Тајван или Хонг Конг, а неколку од нив се од Јапонија.

Меѓу изведувачите од запад најмногу забранети песни има Лејди Гага, вкупно шест (The Edge of Glory, Hair, Marry The Night, Americano, Јudas и Bloody Mary). Запранета е и песната Run The World на Бијонсе, како и хитот на Кети Пери - Last Friday Night кој зброува за љубовен триаголник.

На листата исто така е и песната I Want It That Way на групата Backstreet Boys која е издадена пред повеќе од десет години.