Симпатичната британска актерка, Ема Ватсон, на премиерата на „Хари Потер и Реликвиите на Смртта: Втор дел“ се појави во издание на сериозна и гламурозна убавица...

Синоќа во Њујорк се одржа премиерата на последното продолжение од филмската сага за волшебникот Хари Потер, „Хари Потер и Реликвиите на Смртта: Втор дел“. 21 годишната Ема Ватсон се повеќе се труди да се отцепи од изгледот на „слатко девојче“, па за синоќната премиера избрала Bottega Veneta фустан со златно-бакарни тонови, ја залижала косата и ставила темни тонови шминка, посебно околу очите.

Својата „сериозност“, што се однесува до стајлингот и шминката, според многумина е дури и претерана ако се земе во предвид фактот дека има само 21 година. Ема пред новинарите се правдеше со зборовите: „Њујорк е модна Мека и чувствував дека можам да одам чекор понатаму. Во Лондон играв на сигурно - избрав класична бајковита креација на Oscar de la Rente, но за вечерва сакав нешто посериозно, а овој фустан ми изгледаше многу драматично.“

Истовремено, другите убавици на црвениот тепих се држеа до проверените комбинации во склад со нивните години. Сара Хајленд избрала црно-син мини фустан, Аријана Гранде изгледаше како принцеза во розево, а Сара Џесика Паркер избрала лесен, лелеав и долг летен фустан.