Не се сите жени благословени со сјајна и мазна кожа и цврсти гради. Но, со помош на вистинскиот алат и едноставни, но ефективни совети и вашето деколте може да заблеска. Ова се пет трикови за холивудско деколте од соништата...

Почнете од кожата

Мазната кожа може многу да го освежи и разубави деколтето. Сончањето ја исушува кожата, па затоа секој пат кога планирате деколтето да го изложите на сонце не заборавете да нанесете крема за сончање. Барем два пати неделно направете благ пилинг на деколтето по што на кожата ќе нанаесет хидратантна крема. Ако планирате вечерно излегување, нанесете крема која во себе има сјајни честички кои ќе ја нагласат вашата блескава и негувана кожа.

Одржувајте ја хигиената

Хигиената е многу важен сегмент за убаво деколте. Потењето често може да предизвика иритации на кожата како избивање или промена на бојата. Делот меѓу градите би требало често да го прскате со термална вода или да го бришете со марамчиња за чистење на лицата.

Зацврстете ги мускулите на градите

Природен поддигнувач на градите не е крем или градник, туку едноставна вежба која можете да ја правите било кога и било каде. Подигнете ги лактовите и претиснете ги дланките во рамнина со градите. Задржете пет секунди и повторете ја вежбата десет пати.

Пронајдете го вистинскиот градник

Push-up градникот е вистински волшебник за неодоливо деколте. Изберете поставен градник со мазна свилена текстура од надворешната страна. Градникот не смее да биде ни преголем, ни премал. Жените со мали гради можат да го избеат оној со цврста кошара и со додатно засилување во обликот на гел или перниче. Изберете го оној градник во кој се чувствувате удобно. Градите со рака претиснете ги кон средината и уживајте во глетката која ќе ве развесели.

Поигајте си со сенките

Сенките со помош на бронзер можат визуелно да ги нагласат вашите гради, а на кожата да и дадат додатен сјај. Со широка четка нанесете бронзер на местото меѓу градите, и со нежни потези орабете го внатрешниот дел на градите. Бронзерот не смее да биде премногу темен, но ни премногу светол, а можете да го нанесете и на делот под вратот и на клучната коска. Бидете умерени.