По Hermes, и Louboutin лансираше кампања во која ликовите од познатите уметнички дела позираат со неговите модели. Погледнете ги чевлите од колекцијата есен/зима 2011/2012 на фотографиите кои ги овековечи Питер Липман...

Иако многумина чевлите на Christian Louboutin ги доживуваат како мали уметнички дела кои уредно ги следи и цената од неколку илјади долари за моделите од колекцијата limited, со новата кампања веќе нема место за сомнеж. Во соработка со познатиот фотограф Питер Липман, на чевлите им е вдахната една сосема нова димензија.

Ликовите од познатите уметнички дела, како Markize de Pompadour на Jean-Marc Nattier, Sante Doroteе на Zurbaran или пак Negresse на Marie-Guillemine Benoist „позираат“ со чевлите и чантичките од новата колекција за есен/зима 2011/2012.

Мора да се признае дека скапоцените чевли исклучително се вклопија во композицијата на Липман, а сигурни сме дека ни дамите во оргиналите не би имале ништо против носење на убавиците со кои позираат во 21 век.