Оваа исклучителна дама работи од 15 години, кога за прв пат се нашла на насловната страница на Vogue...

Во времиња кога сите се опседнати со младост и убавина, Кармен Дел Орефиче е добредојден потсетник дека тие две работи не мора секогаш да се поврзани заедно.

Ветеранскиот модел минатиот викенд го прослави својот 80 роденден и продолжува да владее со модната писта.

Иконата на стилот се занимава со моделство уште од нејзиното прво појавување на насловната страница на Vogue во 1946 година на 15 годишна возраст.

Убавицата со сива коса уште е барана, а оваа година веќе шеташе за Piti Uomo шоуто на Алберта Ферети и презентацијата Lincoln Center на Адриен Витадини.

Во нејзината 66 годишна кариера, госпоѓица Дел Орефиче ја красела насловната страница на Vogue шест пати и била заштитно лице на 14 козметички кампањи.

Таа позирала за легендарни фотографи какви што се Ричард Аведон, Ајрвин Пен, Сесил Битон и Норман Паркинсон.

Таа е родена како ќерка на унгарски и италијански родители. Имала тешко детство и поминала многу од нејзините рани години живеејќи во старателски домови и со роднини.

Се прославила во 1946 и е една од најмладите девојки кои се појавиле на Vogue насловната страница. Се појавила во декемвриското издание како Црвенкапа, Снежана и Пепелашка.

Госпоѓица Дел Орефиче била мажена три пати и има само една ќерка.