Дијамантите се наводно најдобрите пријатели на жената, но многу припаднички на понежниот пол и љубителки на модата ќе се сложат како вртоглавите потпетици го имаат завземено цврсто второто место...

Дека некои дами не мораат да бирaат, потврдила и Ања Рубик која прошета во Кан со розови штикли вредни 200.000 долари.

Супермоделот Ања Рубик на своите стапала носеше штикли изработени од розов сатен украсени со 22 карати дијаманти и 199 карати розовкаст сафир обесени на златни ланчиња.

Штиклите ги изработил Џузепе Заноти, а за украсите е одговорен Чопард. Со нив, 25 годишниот модел и заштитно лице на Заноти чевлите, носеше фустан изработен од плави перја од страна на Емилио Пучи.

Ања со својата убавина учествуваше на добротвотниот настан посветен на болните од СИДА.

"Ги носам, а телохранител е мојата сенка", рекла Ања која не е во потполност задоволна од резултатите на аукцијата на која штиклите достигнале цена од 200.000 долари.

"Мислам дека можеше и повеќе", додала Ања.

На аукцијата е собрано 6 милиони фунти кои одат за добротворни цели, а со розовите штикли продадени се фотографии од модната колекција Карла Лагерфелда и тенискиот рекет на принцот Алберт од Монако.