Од кога беа пуштени во продажба, најскапите штикли во светот кој ги изработил дизајнерот на накит Кристофер Мајкл Шелис сеуште се наоѓаат на добро чуваното место на пазарот. Изгледа дека ниту една Пепелашка не сака да оди во потпетици изработени од злато и дијаманти...

"Чевлите кои сам ги дизајнирав направија голема гужва и конфузија помеѓу љубителките на вртоглави потпетици, спроведовме неколку интервјуа со заинтерисираните страни, но не сакам да откријам кои се тие", рекол Кристофер, дизајнер на накит.

Тие се вредни 140 илјади фунти, изработени се на температура од 1000 степени и тоа од злато и 2.200 дијаманти, а нивната гаранција трае 1000 години.

"Чевлите се направени, бидејќи сакавме да изработиме накит кои жените можат да го носат и на стапалата и кој ќе трае вечно", рекол Шелис кој својата креација ја споредува со јајцето Фебреже.

Се шпекулира дека во вртоглавите потпетици може да пешачи Викторија Бекам.