Облеката можеби не го прави човекот, но сигурно праќа одредена порака. Женската гардероба може да биде и повеќе од виновна за неуспехот на жената кај спротивниот пол. Надворешниот изглед е нешто што прво се забележува, па затоа и облеката е еден од знаковите кој привлекува или одбива кај спротивниот пол...

1. Бои кои велат „не приближувај ми се“
Строгата сива и беж боја и сериозни, „канцелариски“ модели на облека, нека останат комбинација само за работното место. Таквата облека во слободно време изгледа премногу сериозно и непристапно и праќа сигнал „незаинтересирана за забава“.

2. Впечатливи чевли
Чевлите со потпетици се неоспорно најпопуларни, но за се постои граница. Посебно за онаа со добар вкус. Премногу нападните чевли, неприлагодени на местото и времето ќе ги истераат мажите поради впечатокот што жената го остава дека е премногу опседната со изгледот, но и од причина дека жената сигурно не би сакала да ги почувствува чудните поглед и потсмевањата на другите кои ќе се појават во нејзино друштво.

3. Премногу впечатлива облека
Нагласеното деколте или откриените нозе можат да имат двоен ефект, зависно од облеката со која жената сака да го постигне тоа. Ако претера и во едното и во другото и за тоа избере премногу впечатлива облека која открива повеќе отколку што треба, тоа може да биде крајно невкусно наместо секси. Исто така, дамите треба да ја избегнуваат облеката со премногу детали, бои и додатоци, затоа што наместо да го привлечат спротивниот пол, можат да го исплашат.