Постои ли подобар пролетен моден додаток од интересен наикт?...
Обетките како омилен украсен детал совршено им одговараат на сите типови жени. Како да се одбере оној вистинскиот пар, оној со кој жената ќе заблеска оваа пролет и лето, совет даде дизајнерката Ива Срок Туциќ.
Ива Срок Туциќ се занимава со изработка на накит веќе 10 години, во текот на кои користила различни материјали како што се дрво, пластика, метал, школки, жици и полублагородни камења.
Модниот накит со години станува се пооригинален и поинтересен, а работата на оваа креативна жена го препознале и бројни дизајнери чија облека ја краселе токму нејзините обетки чија цена се движи помеѓу 30 до 60 американски долари.
„Оваа сезона пролет/лето предложувам крупен и впечатлив накит. Обетките на делови и понатаму се „ин“, а со доаѓањето на поубавите денови и соблекувањето на капутот и зимската облека, накитот станува се позабележителен и пошарен. Боите во главно се со пастелни тонови, со акцент на розевата, бежот, зелената и портокаловата боја који за оваа сезона се вистинско освежување“, истакнува Ива Срок Туциќ, додавајќи дека токму портокаловата боја ќе биде вистински предизвик за сите кои сакаат да си играат со модните трендови.
Совети за пролет/лето 2011
-За идните невести Ива предлага раскошни обетки на делови со циркони ускладени со бојата на фустанот или пак вечни бисери. Богатите и интересни обекти можат едноставната венчаница да ја направат гламурозна.
-За вечерно излегување со фустан со голи рамења се препорачуваат големи обетки со циркони кои изгледот го прават гламурозен.
-Со тренерки и кожена јакна идеално ќе се вклопат крупни црно-сребрени обетки кои во оваа комбинација ќе даваат доза на сексипил.
-Дневниот изглед украсете го со обетки со пастелни бои кои имаат нешто помали димензии, но сепак се многу интересни. Тоа се обетки во розева, беж, зелена и портокалова боја.
-Ниту одењето на плажа не мора да биде модно запуштено. Со проѕирна туника, лесен фустан и шарена марама, Ива предлага бели и тиркизни обетки кои ќе ја истакнат свежо исончаната кожа.
