Иако можеби не размислувате за тоа, но бојата на облеката би требало да се усклади со бојата на коса. Ако сакате максимално да заблескате и да ја истакнете својата природна или обоена коса, прочитајте кои бои би требало да ги носите...

Црна коса

Иако сите црнки немаат совршена фигура како танчерката на бурлески, Дита Вон Тис, жените со црна коса како нејзината токму со боите можат да го извлечат максимумот од својот изглед. Носете бистри, чисти бои со акцент на сината. Кобалтна сина, виолетова, жар црвена и смарагндно зелената се бои кои совршено одговараат на вашата црна и заводлива коса.

Природно кафеавата боја на косата

Топлата кафеава боја изгледа многу природно, но со таква коса најмногу одговаран портокалово-црвена, тиркизна, маслинесто зелена и бојата на лушпите од јајца.

Темно кафеавата

Темно кафеавата боја на косата е ладна, густа боја со која одговараат природни нијанси со сива подлога како темно кафеава, темно сина или темно сива боја. Со ваква комбинација совршено ќе се вклопат модни додатоци со нешто поживи бои кои ќе го осветлат вашиот стајлинг.

Топли нијанси на руса коса

Топлите нијанси како оние со златен отсјај или со боја на мед совршено ќе се вклопат во боите кои имаат портокалова и црвена подлога. Исто така русокосите од овој тип би требало да ги избегнуваат пастелно сините и валкано белите тонови, но секако да носат облека во тиркизна или азурно сина боја и боја на месо. Бидете внимателни со црната боја.

Ладни нијанси на руса коса
Платинастите бледи и ладни тонови на руса коса како онаа на преубавата Тејлор Свифт совршено си одговараат со топлите бои со ладни нијанси. Црвената исто така е ваша боја, но ако не сакате толку силни тонови подобро играјте на сигурно и изберете облека со зеленкаста боја на пеперминт, со нежно руса нијанса, валкано розева и нежна боја на лаванда.

Топли нијанси на црвена боја на коса
Кој вели дека црвенокосите не смејат да носат облека со црвена боја? Ако ја сакате оваа боја на љубовта, изберете длабоки тонови како што е бојата на рубинот или бојата на тулите.

Ладни нијанси на црвена боја на коса
На црвенкасто-кафеавата боја на коса и одговара широка палета на бои и нијанси. Секако се препорачуваат кафеави, костенести тонови, со боја на ’рѓа, карамела и маслинасто зелена боја. Избегнувајте ги сивата и црната боја.