Наталија Водијанова го посети Париз не само да ги погледне модните новитети прикажани таму, туку и да учествува во ревијата на Хакаан. Но, ниту таа не успеа да го избегне прашањето за отпуштениот Џон Галиано...
Наталија Водијанова е една од ретките која јавно изрази поддршка за отпуштениот Џон Галиано. Руската манекенка не застана во одбрана поради неговото модно достигнување, туку поради влијанието на алкохолот под кој ги изрекол антисистемските навреди.
„Тоа е болест. Во Русија имав прилика да видам какви разорни работи прават луѓето под дејство на алкохол. Но, неговите зборови не би требало да ги сфатиме сериозно“, изјави манекенката додавајќи дека и самата како русинка се сретнала со ситуации во кои алкохолот го имал главниот збор.
Модната куќа Кристијан Диор го отпушти својот креативен директор во рок од 48 часа по спорниот настан, настојувајќи да го одржи својот углед неизвалкан.
Освен Диор, целиот француски моден свет остана шокиран од изјавата на Џон Галиано. Имено, најгоелмиот број кројачи за време на Втората светска војна во Париз биле со еврејска вероисповест поради што многумина завршиле во злогласните логори.
