Атрактивната Кејт Винслет позираше за најновото издание на списанието "Glamour" облечена во провокативен фустан со потписот на Викторија Бекам. Раскошната глумица им откри на читателите дека никогаш не била на ниту еден естетски зафат затоа што смета дека нејзиното тело е совршено...

Кејт Винслет осамна на насловната страница на американското издание на списанието "Glamour".

Раскошната глумица позираше во провокативен тесен црн фустан со потписот на Викторија Бекам. Атрактивните фотографии ја откриваат раскошната фигурна на Кејт која таа успешно ја негува, но, како што вели на природен начин.

„Никогаш не сум била на ниту еден естетски зафат, а не ни планирам. Не сакам ботокс и операции, ниту сакам да се изгладнувам. На моето тело нема ништо што би сакала да го променам, природна сум 100%“, изјави 35 годишната Кејт која ја паметиме по улогата во филмот Титаник.

Тогаш имаше барем 10 килограми повеќе, но остана и тоа како забележана, а нејзиниот талент како и убавина оставија длабоки траги во светот на филмовите.

„Кога бев подебела сите ми велеа дека имам прекрасно лице, како моето тело да не беше доволно убаво. Секогаш сум била просечна, некаде во средината, а никогаш најдобра. Откако во 2009 освоив Оскар за најдобра глумица сето тоа се промени. Тоа за мене беше неверојатно чувство“, вели мајката на две деца која успешно се справува и со мајчинството и со кариерата.