Кејт Мос, една од најголемите модни икони, која неодамна е прогласена и за најдобро облечена жена на декадата, сними кампања за најновата колекција на Vogue очила пролет/лето 2011...

Зад фотоапаратот стоел Марио Тестино, еден од најбараните модни фотографи во светот, а кампањата дише со сончев и летен стил на Палм Спрингс, холивудската пустинска оаза.

Инспирацијата за оваа ретро-гламурозна кампања произлегла од новата Vogue колекција очила со винтаж облик, боја и стил кои се повикуваат на седумдесетите.

Едноставната и силна порака She's in Vogue (Таа е во Vogue) ја доловува самата срж на овој бренд, воедно презентирајќи нова колекција на самиот врв на модата.

Тонот и стилот на самата кампања опфаќа разигран, самодоверлив и модно освестен став на Vogue девојка, а Кејт Мос го претставува сето тоа.

Кејт од колекцијата ги избрала своите фаворити и така настанала мини-колекцијата која се состои од 4 модела очила за сонце и 2 модела очила со диоптер кои наскоро ќе бидат претставени како Kate's Selects (Избраните на Кејт).