Заврши Миланската модна недела, а трендот што ни го порача се заканува дека ќе стане хит следната сезона...

Завршената модна недела во Милан ни порача дека следната сезона сака да види женствени парчиња под најразновидни влијанија, од војнички костими, па елегантни интелектуалки, и се до диско горзници.

Предлогот за облекување е подеднакво разноврсен и неоптеретен од очекуваните трендови. За оние кои сакаат да се облекуваат кичесто и луксузно, ќе ги најдат своите фаворити во сандалите на Гучи и чизмите од змијска кожа на Прада.

Тие исто како и екстравангандните штиклички на Џон Ричмонд кои изгледаат како крзнени снегулки, ќе ги разлутат љубителите на животни кои својот фаворит ќе го пронајдат кај гумените чизми со кои Мисони ги облече своите манекенки.

Меѓутоа, трендот присутен на најголем дел на ревиите вреска на цел глас и порачува: оваа сезона играјте си и носете чевли на чорапи во боја. Дефинитивно шик!