Ема Ватсон повторно се најде во улога на модел, но овој пат се впушти во уште една нова авантура. Убавата глумица дизајнирала линија облека за брендот People Tree па се појавила како заштитно лице. Ема позирала во блуза без ракави и во жешки шорцеви...

Откако заврши снимањето на последното продолжение од Хари Потер, Ема Ватсон се одлучи барем на кратко да ја промени професијата.

Имено, освен во улога на модел кој во последно време се почесто се појавува, симпатичната тинејџерка се впушти и во дизајнерска авантура.

Откако освои Elle Style награда и беше прогласена за стилска икона на годината, Ема направи чекор понатаму, па дизајнирала нова колекција пролет/лето за брендот за млади People Tree.

Краткокосата глумица повторно стана фотомодел појавувајќи се во новиот каталог и тоа во многу сексипилно издание.

Ема за кампањата се фотографирала во маичка без ракави и сокинати фармерки, во црни панталончиња и покрај ретро мотор. Дваесет годишната ѕвезда изгледа многу провокативно, а истовремено и нежно и софистицирано.