Дека светот се уште го нема заборавено својот мрачен генијалец Александар Меквин докажува и изложбата со неговите креации која овој мај ќе се отвори во њујоршкиот музеј Metropolitan...

Во лондонскиот хотел Ritz е претставена изложба која на 2 мај ќе се отвори во њујоршкиот музеј Metropolitan. Станува збор за модна изложба која ќе ги претстави креациите на британскиот дизајнерски генијалец, Александар Меквин.

Изложбата именувана како „Александар Меквин: Дива убавина“ ќе ги претстави неговите креации од првaта колекција како што е „Нихилизам“ од 1994 година, до постхумната колекција „Ангели и демони“ од 2010 година.

Неговата безгранична креативност која не се плашеше да ѕирне ни во најмрачните агли на умот или историјата и да ги претвори во женствени креации во служба на женското тело и врвната вештина на кроечкиот занает му осигураа статус на моден уметник кој никој не се осмелуваше да го оспори.

„Делото на Меквин дефинитивно му припаѓа на уметноста. Не можеме да го сметаме за ништо помалку од голем уметник“, изави директорот на музејот Metropolitan, Томас П. Кембел.