По углед на музичката суперѕвезда, Лејди Гага, се очекува дека и холивудските актерки на црвениот тепих за доделувањето на Оскарите, ќе се појават во чукнати, футуристички дизајнирани фустани, предвидуваат модните професионалци...

Насоката на иднината е во спротивност со стилот на изминативе години кога на доделувањата на најзначајните филмски награди се носеа класични фустани, со едноставен дизајн и боја, како и помалку накит, а се во склад со светската економска криза.

Но, како што довербата на потрошувачите се враќа, најголемските филмски диви ќе носат впечатливи фустани со нагласени набори и истакнати рамења и ракави. Се очекува и широк спектар од бои, од бледи тонови и боја на кожа, до нагласена розева, портокалова, полноќно сина и класична црна.

Дизајнерот Марк Бауер вели дека овогодишните футуристички дизајни биле инспирирани од костимите на познатите поп ѕвезди, какви што се Лејди Гага, Ники Минаж и Бритни Спирс во нејзиното последно музичко видео Hold It Against Me. „Уметниците се облекуваат се полудо и тоа веднаш се одразува на модоата“, рекол Бауер.

„Иако на доделувањето на Оскарите нема да видиме костими како оние на Лејди Гага, можеме да очекуваме поизразен архитектонски стил кој вклучува проширени рамења и продолжени ракави. Се појави силна жена и тој тренд не може да се игнорира“, истакна тој.