Преслаби манекенки со нездрав, испиен изглед повторно се најдоа на прв план. Станува збор за модната ревија на луксузниот бренд Erdem кој својата нова колекција ја претставил на Лондонската модна недела. Таман кога се чинеше дека оваа година ќе помине без расправа за преслабите модели се случи ревија која потсети на вечниот моден проблем...

Модните недели кој моментално се во целосен замав, претставија креативни и луксузни креации од кои ќе се инспирираме следната сезона.

Но, тоа што со сигурност нема да го копирате е изгледот на манекенките кој или опасно граничат со анорексија или потклекнале и опасно се нашле во домен на таа болест.

Најочигледен пример на Лондонската модна недела се случи на ревијата на модната куќа Erdem на која посебно се истакнуваше шведската манекенка со лондонска адреса и со потекло од југословенските краеви, Клои Мемшевич.

Нејзиниот испиен изглед ја вознемирил само Саманта Камерон, сопругата на британскиот премиер која ревијата ја набљудувала од првиот ред, а воедно набљудувало и здужение за проблемот на претерана слабост.

„По неколку години против овој искривен тренд повторно сме на нула. Ова е уште еден чекор наназад и тоа е навистина срамота“, изјави претседателот на здружението, Сузан Рингвуд.

Модната куќа Erdem немала никаков коментар на наведените критики и обвинувања.