Кејти Холмс стана заштитно лице на пролетната колекција на Ann Taylor. Убавата глумица ги замени Хајди Клум, Наоми Вотс и Мила Јовович чии лица ги красеа минатите камањи и уште еднаш докажа дека нејзината убавина е се уште барана...

Кејти Холмс осамна во излозите на продавниците Ann Taylor. Убавата глумица стана заштитно лице на најновата пролетна колекција 2011.

Кејти призна дека уживала во снимањето на кампањата, посебно затоа што и самата била голем фан на овој бренд.

„Ја обожавам Ann Taylor облеката уште од мали нозе и чест ми е што станав дел од брендот во кој искрено верувам“, изјави 32 годишната глумица која облеката од новата колекција ја опиша како неверојатно оригинална, а сепак прилаголдива за различни женски улоги и ситлови.

Нејзиното убаво лице ги замени Хајди Клум, Наоми Вотс и Мила Јовович кои изминативе години ја рекламираа Ann Taylor облеката.

Но, ова не е единствениот моден ангажман на популарната Кејти. Нејзината природна убавина ја препознаа и изминатите години, па исто така беше заштитен знак на Miu Miu кампањата за 2009, а се појави и во каталог на J. Crew.

И самата е голем љубител на модата, па заедно со својата стилистка Jeanne Yang дизајнираа сопствен бренд облека, Holmes & Yang.