Џенифер Лопез толку ги обожава што дури им посвети и песна, Викторија Бекам не ги соблекува од нозете, но Блејк Ливли е онаа која го шармирала творецот на најсексипилните чевли на светот и добила модел кој го носи нејзиното име...

Ѕвездата од Gossip Girl, Блејк Ливли има стил, изгледа одлично и е миленичка на една од најмоќните жени во светот на модата, Anne Wintour, а на листата на работи на кои и завидуваат сега може да ги ставите и чевлите кои ги дизајнираше Christian Louboutin и ги нарече по неа.

Глумицата која во популарната тинејџерска серија ја глуми Серена ван дер Вудсен, на 23 години може да се пофали со предмет на обожување на секоја жена кој е направен во нејзина чест. Новиот модел на лобутинки го носи името „Блејк“, се состои од седум рамени во различни бои со црна потпетица и препознатливо црвено потплато.

Моделот ќе може да се купи во Америка и во Велика Британија, а цената му е вртоглави 635 фунти што е околу 47.000 македонски денари.

Блејк е воодушевена што дизајнерот ги нарекол чевлите токму по неа, и го смета тоа за едно од нејзините најголеми достигнувања.