Новиот моден тренд кој дури и љубителките на вртоглави потпетици како Лејди Гага и Викторија Бекам ќе ги остави без збор, се штиклите од 23 сантиметри...

Моделот наречен Sky Heel ќе биде достапен во продажба следната година, а идејата за овој тренд се познатите убавици кои не излегуваат од куќа без потпетици од најмалку 12 сантиметри.

Поранешната девојка од Spice Girls и модната дизајнерка која ниту една потпетица не и е превисока, сигурно ќе биде помеѓу првите која ќе го искуси новиот моден тренд, но за разлика од скапоцените штикли со потпис на Christian Louboutin и Yves Saint Laurent овие вртоглави штикли ќе им бидат достапни речиси на сите, бидејќи нивната цена нема да премине 100 долари. Единствен проблем кој би можел да се појави е одењето на толку висока штикла.

Моделот ќе се појави во две бои, златна и црвена, а портпаролот на Sky Heel компанијата тврди дека тие само одговараат на барањата на пазарот.

Истражувањата покажале дека овој тренд е главниот кривец на се почестите превивања на зглобовите и проблемите со стапалата, а дури третина од жените кои го следат овој тренд, и имале пад предизвикан од високите потпетици, заработиле повреди на забите и гребаници на лицето.