Модната недела во Лондон заврши со дефиле на долна облека, што ќе се памети по појавата на чисто голи манекенки и со конвеционалното претсавување на колекцијата на Burberry...

Покрај неколкуте падови на модниот подиум, петдневната презентација на најновите тредндови, ги додаде и имињата на тројца нови дизајнери и на еден производител на шапки, чии модели излегоа голи на модниот подиум. Во овој случај се покажа дека, Лондон останува авантуристички помладиот брат на модни ревии во Њујорк, Париз и Милано.

Присуството на глобалната куќа на сјајот Burberry заедно со ветераните Пол Смит и Вивиен Вествуд го подигна нивото лондонската модна недела и коментаторите ја истакнаа зголемената зрелост на настанот, која треба да се сфати сериозно.

Сериозноста на настанот ја додаде и комеморацијата во понеделникот за покојниот дизајнер Александар МекКвин, кој се самоуби во февруари.

Меѓу присутните во катедралата на Свети Павле беше главната уредничка на американскиот  "Vogue" Ана Уинтур, ѕвездата од "Сексот и Градот" Сара Џесика Паркер, моделите Кејт Мос и Наоми Кемпбел и исландската попѕвезда Бјорк.