Томи Хилфигер веќе 25 години е верен на својот препознатлив стил, кој го прифатиле љубителите на опуштената елеганција ширум светот...
Јубилејот бил обележан со ревија на модната недела во Њујорк.
Кога на некоја ревија во првиот ред седат ѕвезди како Џенифер Лопез, Лени Кравиц, Кристина Хендрикс, Бредли Крупер, тогаш сигурни сте дека ќе биде прикажана колекција на некој многу важен дизајнер или модна куќа. Овој пат станува збор за Томи Хилфигер (52).
На модната недела во Њујорк, која се одржува во Линколн центарот од 9 до 16-ти септември, овој американски моден креатор ја прикажал својата колекција за пролет/лето 2011 и така ја одбележал 25 годишнината со занимавањето.
