Наоми се појави на насловната страница на магазинот "Elle" по повод 24-годишнината откако таа прв пат се појави...

Супермоделот Наоми Кемпбел не брза да стане мајка. 40-годишната Наоми, која е во врска со рускиот милијардер Владимир Доронин, рекла дека, веќе не се обидува да прави далечни планови, бидејќи борбата со алкохолот ја научила да живее ден за ден.

На прашањето, кога планира да има деца, таа одговорила:

"Кога Бог ќе одлучи дека моето време дошло. Не се форсирам. Оставам работите да се случуваат природно. Се враќам од зависноста кон алкохолот и наркотиците, не пијам, не земам дрога. Живеам ден за ден".

За британското списание "ЕЛ" Наоми рекал дека, сеуште жали за правнуката на Нелсон Мендела, која загина во сообраќајна несреќа во јуни.

"Бев во Јужна Африка, кога загина. Требаше да биде со мене другиот ден и отидов во продавницата на ТопШоп, за да и купам разни работи, не можам да зборувам за тоа. Тажно е кога Бог ќе одлучи да земе толку млада душа".

Таа открила и дека, секогаш на прво место ги става омилените луѓе и дека, најмногу сака да готви за семејството и пријателите.

"Кујната е многу важна за мене. Понекогаш готвам за мојот сакан, за братучедите и пријателите, во моментов сум среќна од мојот живот", изјавила Кемпбел.