Сопругата на капитенот на Рома Франческо Тоти, Илари Блази, во последно време е во центарот на вниманието...

Неодамна таа позираше за руското издание на списанието GQ а пред неколку дена ја украси насловната на Vanity Fair.

Во интервјуто за списанието таа зборува за односите помеѓу мажите и жените ставајќи акцент на домашното насилство.

Таа зборува за тоа дека, претставничките на понежниот пол треба да имаат поголема самодоверба.

"Ние жените треба да се почитуваме многу повеќе", рекла таа.

Илари споделила дека, ова лето таа е непријатно изненадена бидејќи на Апенините насилството кон жените драстично се зголемило.

"Шокирана сум, бидејќи тоа се случува. Насилства, убијства на бивши или сегашни двојки, каде одат вредностите? Во мене останува впечатокот дека ние веќе сме навикнати на овие работи и не ги гледаме толку остро. Оправдувањето на сите е едно, 'тоа го прават од љубов'. Сепак, јас мислам дека ако родителите посветуваат поголемо внимание на воспитувањето кај момчињата, некои трагедии можат да бидат избегнати"

Според Илари таквото однесување e неприфатливо. Како и тоа дека жените постојано се соочуваат со критики околу изгледот.

"Сакам да видам девојчиња, кои повеќе се сакаат и почитуваат себе си", завршила Илари Блази.