Дизајнерот Александар Мекквин и моделот Иман со специјално место на "Оскари на модата", пишуваат шпанските медиуми.
Како и секоја година советот на модните дизајнери ќе ги додели свои награди, познати уште како "Оскари на модата". Настанот ќе се одржи на 7 јуни во "Линколн" центарот во Њујорк.
Иако се уште не се знае кои ќе бидат среќниците, кои ќе се вратат со престижната награда, веќе се јасни имињата на номинираните во изданието за 2010 година.
За дизајнер на женска мода на годината ќе се натпреваруваат Александар Ванг, Марк Јакобс и Дона Каран. За титулата дизајнер на машка мода се борат Мајкл Бастиан и Том Форд. Награди ќе има и за модни додатоци, како и награда за најдобар женски и машки дизајн на Сваровски. Иман ќе биде номинирана за модна икона, а специјална награда е одделена за дизајнерот Александар Мекквин.
