Постојат правила кои треба да ги одржуваат обликот, бојата и еластичноста на градниците...



Ова е мини водич за продолжување на векот на траење на главниот сојузник на убавото деколте.

1. Кога перете памучни градници во перална за алишта, важно е останатото што се пере да не биде масивна облека, бидејќи кошниците на градникот ќе се оштетат и рабовите ќе ја изгубат еластичноста. Користете мрежеста вреќичка за перење на чувствителни алишта, на тој начин ќе избегнете развлекување и евентуално кинење на жицата.

2. Производителите на долна облека советуваат рачно перење на градниците изработени од чувствителни и фини ткаенини, бидејќи на тој начин најмногу се зачувува изгледот и обликот. Стандардни детергенти не се препорачуваат во никој случај, најдобро е да се користи бебешки шампон. Неколку капки ставете во топла/млака вода, која е идеална купка за перење во која градникот треба да се накисне околу 20 минути и да го стави во ладна вода.

3. На белите градници им се уништува еластичноста со детергети што содржат избелувач и чистата бела боја ја претвараат во кафеава боја. Избегнувајте агресивни средства за перење алишта.

4. Погрешно сушење на градниците исто така го скратува векот на траење, изворите на топлина како што е радијаторот мора да се избегнува, исто како и изложувањето на сонцето. Во двата случаи еластичните ленти ќе попуштат, а бојата ќе се изгуби малку. Се препорачува градникот да се суши на крпа, хоризонтално поставен.

5. После перењето во машина, лентите обично се заплеткани, а куките а нив секогаш го оштетуваат остатокот од градникот. За да избегнете такви оштетувања, најдобро е да го закопчате градникот пред перење.