Првите дами на САД секогаш имаат беспрекорен стил на облекување...



Дали сте се запрашале кој ја плаќа оваа скапа гардероба? Префинетиот и скапоцен стил на Мишел Обама, сегашната прва дама на САД го покрена ова прашање.

Сопругата на Барак Обама на секое појавување во јавноста има различен фустан, а само последните нејзини тоалети чинеле 15.000 долари.

Облекувањето на првите дами често било тема на разговор. Со влегувањето во Белата куќа тие не добиваат никакви пари за облека, ниту пак парите за нивното облекување се регулирани со било какви правила.

„Госпоѓа Обама ја плаќа својата облека. На официјалните настани од јавен и историски карактер, како што се државните посети, понекогаш носи облека која е подарок од некој дизајнер и таа облека се прифаќа во името на владата на САД. Подарената облека подоцна се чува во Националната архива“, изјавила Џоана Рошолм, портпарол на Мишел Обама.