Сигурно многу пати досега сте биле тажни затоа што морате да ги фрлите вашите омилени штикли бидејќи се износени...



Со овие потпетици нема да имате таков проблем. Модната куќа „Borghese“ дизајнирала потпетици од челик што не оксидира и сребро, обложени со траен силикон, со што добивате 1.000 години гаранција. Овие „довечни потпетици“ ги дизајнирал 48-годишниот дизајнер Крис Шелис од Бирмингем, кој тврди дека се изработени од истиот материјал како приборот за јадење - од материјалот што прават вилушки и ножеви.



Изработени се на начин што може да се виткаат и да се прилагодат на сечие стапало. Овие потпетици чинат 1.000 фунти, а од компанијата велат дека ова е вистинска инвестиција за иднината.



„Не можат да се оштетат. Сакавме да направиме нешто што ќе трае засекогаш и што ќе може да си го дозволат сите жени. Ова е добра инвестиција, затоа што може да биде наследена и од вашите правнуки. Знаеме низ какви болки поминуваат жените кога носат потпетици“, рекол дизајнерот.