Вера Ванг секогаш се обидува да биде поинаква и уникатна...



За време на Њујоршката недела на модата наменета исклучиво за венчаници, Вера подготвила колекција и сите венчаници биле во розева и црна боја.

Вера за прв пат во своите 24 годишно искуство како дизајнер подготвила визуелна презентација од својата колекција за 2015 година, која одела во живо на нејзината веб-страница. Вера рекла дека го направила тоа затоа што сака да има поголема публика.

„Шансата да креирам визуелно и експресивно доживување на облеката, интерпретирано преку мојата модна визија е целосно нов начин на комуникација за мене, не само со идните невести, туку и со жените во цел свет. На овој начин, невестата станува уметнички двигател која ја зголемува мојата љубов према модата. Верувам дека сите уживаа во ова поинакво искуство“, изјавила Вера.