Фронтменот на групата „Maroon 5“ и најсексапилниот маж на светот според изборот на списанието „People“ се повеќе се докажува како талентиран дизајнер...



Адам Левин (35) пред 6 месеци креирал колекција за мажи, која одлично поминала кај купувачите, па одлучил да се обиде и во женската мода. Неговата колекција за лето 2014 може да се најде во американскиот ланец „Kmart“ или на Интернет.



Колекцијата е наменета за младата популација, а цените се прилагодени за сите. Облеката чини од 12.99 до 29.99 долари.

„Мојата визија за женската линија беше да направам колекција што би сакал да ја гледам како жените ја носат“, објаснил овој пејач и дизајнер, кој е свршен со ангелот на Викторија, Бехати Принсло.



Опуштената и младешка облека според стилот многу личи на самиот Левин.



„Јас го сакам слободниот дух, па сакав облеката да има опуштена и лежерна нијанса. Тоа е природно и класично. Според моето мислење, класиката никогаш не е досадна“, рекол најсексапилниот маж на светот.



Во колекцијата може да се пронајде се и сешто, од женствени сукњи до кожни градници, при што доминираат интересни принтови.



„Обожавам жени кои можат да носат машка кошуша со фармерки. Мислам дека жената секогаш изгледа најдобро кога не претерува со средување. Сакав во колекцијата да вклучам парчиња што би можела да ги носи секоја жена и дека без средување изгледа одлично“, изјавил тој.