Поранешната „спајсица“ Викторија Бекам прерасна во едно од највредните имиња во модната индустрија...



Таа сега открива која е нејзината тајна на успехот. Признава дека ја започнала својата модна линија затоа што сакала да го исполни својот шкаф со фустани со убав крој и постепено го проширувала својот асортиман експериментирајќи со естетиката.

„Почнав со фустани што имаат силна структура, бидејќи тоа е она што сакав да го носам. Овие денови мојот шкаф е полн со сакоа, костуми, сукњи, фантастични панталони на кои се гордеам... Исто така, сакам повеќе опуштени работи, кои можат да се комбинираат. Секогаш експериментирам и комбинирам со моделите и сакам да му испратам силна модна порака на светот“, вели Викторија за францускиот магазин „Madam Figaro“.

„Мојата мода е поинаква, бидејќи под едноставниот изглед лежат многу детали, особено во колекцијата за пролет/лето, која е високо концентрирана на самиот дизајн. Најважно ми е да им дадам самодоверба на жените, да се чувствуваат подобро во мојата облека. Луѓето што ги среќавам ми велат дека моите фустани токму тоа го прават“, вели оваа дизајнерка.