Полека се приближува пролетта, па затоа е време да ја обновиме летната облека...



Ако сакате да си направите пругаста маица, не ви требаат многу вештини и време. Научете се како од обична бела маица да си направите интересна и убава маица, која совршено ќе може да се комбинира со фармерки, шорцеви и сукњи.

Потребно:

- обична бела памучна маица
- спреј во било која боја (во овој случај жолта)
- самолеплива трака (со широчина околу 2.5 см)
- поголемо парче картон



Ставете ја маицата на картонот, за да не пробие бојата од другата страна на миацата, што ќе ви го олесни и лепењето на траката.



Со помош на самолеплива трака, долните 3/4 од маицата поделете ги со линии. Помеѓу секоја трака оставете по 2.5 см празен простор, а целата маица и картонот залепете ги за подлога, за да не се мрдне ништо.



Со кратки потези испрскајте се што е залепено со трака. Спрејот држете го на околу 30 см оддалечен од маицата, за да можат пругите да бидат со воедначени бои.



Почекајте околу 30 минути да се исуши бојата, а потоа полека извадете ја самолепливата трака. На местата каде била тракатанема да има боја, па така ќе добиете убава и модерна пругаста маица.