Еден од најпознатите „плус сајз“ манекенки, Робин Ловли (24), е избрана за новата „Evans“ кампања...



Откако постигна голем успех во модата, оваа манекенка го отвори новиот блог „Robyn Lawley Eats“, каде ги објавува своите омилени јадења. И тоа не е се, наредната година вели дека ќе објави книга со здрави рецепти.

Целта на најновата кампања е да се покаже дека убавината на жената не зависи од големината и обемот на нејзиното тело.

На почетокот од нејзината кариера како плус сајз манекенка се соочила со големи проблеми, бидејќи сите модни агенти ја одбивале бидејќи била „преголема“ за манекенските стандарди.

„Денешната мода е поинаква. Сега сите се убави, сите сфатија дека работите така подобро се одвиваат“, рекла таа.



Кога веќе си дозволува поголеми количини и калорична храна, таа го надоместува тој луксуз со вежбање.

„Луѓето мислат дека плус сајз моделите не вежбаат, во заблуда се. Вежбаме за да бидеме здрави, бидејќи не се присилуваме да правиме нешто што не ни е убаво“, додала таа.

Ловли се одвикнала да ги брои калориите уште во тинејџерските денови, се прифатила себеси и ужива во тоа.