Каква криза? Луксузот секогаш ќе биде жив. Погледнете дел од најскапите предмети на 2009 -та година...
Се разбира, кога зборуваме за најскапи нешта, нема како Дубаи да не влезе во листата. Покрај луксузните хотели, тој оваа година доби и со најскапата фонтана во светот. За неа потрошиле цели 217 милиони долари. Фонтаната е со должина од 270 метри и е осветлувана од 6 600 светилки и 50 проектори. Таа може да исфрли водата на височина од 127 метри.
Најскапиот телефон на 2009 година, е iPhone 3GS SUPREME. Тоа е сосема обичен смартфон со вообичаените функции. Она што го прави најскап телефон, е украсеноста со дијаманти и злато. Играчката чини само некакви 3.2 милиони долари.
Статусот на најскап автомобил за 2009 година му припаѓа на суперавтомобилот Bugatti Veyron Fbg. Интересен е фактот, дека всушност цената на автомобилот е пониска од онаа на телефонот наведен погоре. Цената на автомобилот почнува само од 1.1 милиони долари и завршува до 2.37 милиони долари.
Сите знаеме дека убавите часовници се скапи. Сепак, еден ги сруши сите рекорди. Во 2009 година моделот Patek Philippe Calibre 89 стана најскап часовник, откако беше продаден на аукција за 5.05 милиони американски долари.
Aurora Diamante Pen слободно може да се нарече најскапото пенкало не само на оваа година, но и на сите времиња. Покриен со 30-каратни дијаманти, тој може да биде ваш за скромна сума од 1.3 милиони долари. Скапо пенкало, а?
Кога зборуваме за мажи, нема како да не обрнеме внимание и на тоа кој е најскап костум за оваа година. Костимот на Alexander Amosu, украсен со злато и дијаманти. Цената му е над 100 000 долари.
На позадината на намалувањето на цените на имотите во последните две години, најскапиот имот Holmby Hills - сé уште е со висока цена од 150 милиони долари. Тоа го прави најгскапиот во светот.
Додека сме тука, да видиме колку чини и најскапата хотелска соба. Во Претседателскиот апартман во хотелот President Wilson Hotel во Женева едно ноќевање чини само 65 илјади долари.
