Луси Лукијанко сакала да биде поинаква, па преземала акција за да направи нешто поинакво...



Њујорчанката во окото вградила срце од платина. Иако се чувствува посебна и возбудена од овој необичен зафат, оваа постапка била спроведена и порано. Додуша, порано во Европа и во Лос Анџелес, а сега за прв пат во Њујорк.

Операцијата „украсување“ започнала со инјектирање на анестезија во задниот дел од окото, а потоа е сечено местото за новиот украс.



Само една минута била потребна за да се вметне накит во вредност од 3.000 $.

„Операцијата е сосема безопасна. Ја смислил холандски офталмолог и се работи од 2004 година. Накитот што го вметнавме е многу тенок, за да не го оштети окото“, вели д-р Емил Чин, кој во Америка го прави овој необичен естетски хируршки зафат.

Од друга страна, постојат и експерти што се сомневаат во безбедноста, велат дека украсот може да биде извор на инфекции, бактерии, а подоцна и причина за оштетување на видот.



„Еден дел од луѓето ми велат дека сум луда, а други дека сум феноменална. Мислењата се поделени, но мислам дека ова е извонредно. Особено интересно ми е што ќе можам да го менувам и накитот, на пример на местото на срцето, да ставам ѕвезда сега пред Божиќ“, вели Луси.