Жените се грижат за нивниот изглед во секој момент и на секое место...



Не постои дама која нема свои ритуали за убавина пред да го напушти домот, бидејќи поинаку не може ниту да се замисли нејзиното излегување низ град. Без разлика дали станува збор за фенирање, шминкање или облекување, подготовките пред напуштање на станот трае најмалку еден час.

Некои одат дури дотаму што без средување не се осмелуваат да одат ниту до контејнерот да фрлат ѓубре или до блиската продавница да купат леб. Навиката да бидат некогаш убави и уредни, дефинитивно им е под кожа и опсесија на многу жени. Неодамнешно истражување покажало од што се зависни жените кога станува збор за дотерување и убав изглед.

Според добиените податоци, поголемиот дел од жените, 44%, не можат ниту да го замислат нивното излегување на улица без шминка. Дури 22% од припадничките на понежниот пол признале дека зависат од мобилен телефон и не го напуштаат домот без него, а дури 11% не можат да се замислат да одат на работа без четка за заби.

Од друга страна, доцнењето од половина час е дозволено речиси за сите жени, а според истражувањето парите се најголема мотивација за оние што одат на работа.