Армани, Шанел, Дона Каран, и останатите модни куќи имаат јасна визија што оваа зима би требало да носите на глава...

Со доаѓањето на ладното време, без капа не би требало да излегувате надвор.

Освен како заштита од студот, капата е и моден детал, затоа внимавајте што ќе ставите на лава. Судејќи по моделите кои ги гледаме на неделите на модата ширум светот, изборот е поразновиден од кога и да е.

Штирканите модели и понатаму се популарни, а доаѓаат во најразлични бои и облици. Забележана е и доминација на асиметричните форми, кои поради големината паѓаат на страна или позади.

Вистинска ренесанса доживуваат баретките. Освен што им прилегаат на речиси на сите, без оглед на годините и обликот на лицето, тие се идеален избор за романтичен состанок под снегулките.

Иако природните бои на крзно се најзастапени, можни си и варијанти на откачени бои како розова, тиркизна и виолетова.

Изборот е толку разновиден што секој може да пронајде нешто за себе, но немојте по секоја цена да ја следите модата, туку изберете го она што на вашиот облик на лице и стил на облекување најмногу ќе им одговара.