Згодната манекенка Кендис Свонпул годинава имала привилегија да носи градник изработен по нејзини мерки со рубини и дијаманти во вредност од 10 милиони $...



Овој модел на градник го краси 18-каратно злато и 52-каратен централен рубин, за кој жените можат само да сонуваат. Овој „Ангел на Викторија“ го носи на годишнината на модната куќа во Њујорк, кој ќе се најде и во новиот каталог.

Кендис ќе мора да носи ракавици додека го става градникот поради неговата исклучителна вредност, а во собата со неа ќе има и обезбедување, кое ќе ја следи во секој чекор.



Згодната 23-годишна манекенка прв пат ќе ја има честа да го носи овој раскошен градник, додека нејзините колешки Жизел Бундшен, Миранда Кер, Адријана Лима, Клаудија Шифер, Тира Банк и Александра Амбросио ги носеле скапите дијамантски градници во претходните години.

„Мораа да ми изработат калап од моето тело за градникот, а јас се обидував да замислам како ќе изгледа. Не можев ниту да замислам дека ќе изгледа толку убаво! Омилен дел ми е централниот рубин во облик на круша. Многу сум возбудена“, изјавила Кендис.