Есента воглавно е период кога после шарените и впечатливи бои повеќе се свртуваме кон потемните нијанси, како лисјата кои од зелено се претвораат во сјајни есенски нијанси на жолта, портокалова и кафеава...

Бојата на црно вино со самото име одговара на еснескиот период, иако за неа полудеа сите следбенички на модата уште во минатата сезона.

Облеката во нијанса на црно вино ќе ја обележи и оваа есен, затоа ако не знаете како да ја носите ви предлагаме неколку комбинации. За дневна шема можете да изберете тесни панталони во оваа нијанса и да ги искобинирате со речиси сите неутрални бои, како црна, сива или бела која е најдобар избор затоа што така ги истакнете своите панталони. Ако сте планирале оваа есен да си набавите нов капут, со оваа боја сигурно нема да погрешите. За вечерно излегување може да изберете фустан во оваа боја и да го комбинирате со црни обувки и црна чанта.

Сепак, ако се одлучите за некои подискретни работи во боја на црно вино, добитна комбинација се и добрите детали, како чанти, шал, огрлици или некои марами за коса. Кој и да е вашиот избор, со некое парче во оваа боја на црно вино сигурно ќе бидете вистинска господарка на есента.