Шарени или еднобојни, плитки или длабоки, гумените чизми се совршен избор за есенските дождови, а оваа сезона во понудата има повеќе модели од кога и да е...

Чизмите познати под називот "Велинготнки", ја добија светската слава благодарение на Артур Велесли, првиот војвода од Велинготн кои обожувал да ги носи во текот на лов и воопшто во текот на активностите надвор од дворецот.

Тогаш биле направени од кожа, за подоцна, со популарноста, почнале да се прилагодуваат на широките народни маси кои ги носеле.

Денес, "Велинготнките" се направени од ПВЦ во сите можни бои, дезени и брендови.

Интересно е дека луксузните дизајнерски куќи не останаа имуни на овој "тренд од народот", па така "Valentino" за ладната сезона подготвил свој модел по цена од 400 долари.

"Armani" нуди две варијанти - плитки со висок сјај и длабоки мати по цена од околу 200 долари.

"Sergio Rossi" се одлучил за футуристички дизајн кој може да го имате по цена од 350 долари.

Брендот "Dirty Laundry одлучил два модела да спои во еден по цена од 50 долари, додека "Burberry" не се откажува од својот препознатлив дезен по цена од 450 долари.

Најважно е кога ќе почнат тешките есенски дождови да имате да облечете некој модел кој ќе ги штити вашите стапала, а при тоа и ќе изгледате модерно и симпатично.